2
عید الاضحیٰ کے موقع پر مقامی سنیما کو فروغ دینے کے لیے سنیما گھروں میں بھارتی فلموں کی نمائش پر پابندی عائد کر دی گئی ہے۔
پاکستان بھر کے سنیما گھروں میں تمام بھارتی فلموں، بشمول پنجابی ٹائٹلز اور ڈب فلموں، کی نمائش پر پابندی ہوگی۔ یہ اقدام عید الاضحیٰ سے دو دن پہلے شروع ہو کر دو ہفتے بعد تک جاری رہے گا، جس کا مقصد پاکستانی پروڈکشنز کو باکس آفس پر زیادہ اہمیت دینا اور عید کے موقع پر ریلیز ہونے والی پاکستانی فلموں کی کامیابی کو یقینی بنانا ہے۔
عید الاضحیٰ پر ماہرہ خان اور ہمایوں سعید کی فلم ’لو گرو‘، اور فیصل قریشی و ثمینہ پیرزادہ کی ہارر فلم ’دیمک‘ سمیت دیگر فلمیں ریلیز ہوں گی، جن کا شائقین بےصبری سے انتظار کر رہے ہیں۔