5
اسٹار بلے باز بابر اعظم آؤٹ آف فارم اوپنر عبداللہ شفیق کی جگہ جنوبی افریقہ کے خلاف سیریز کیلئے پاکستان کے ٹیسٹ اسکواڈ میں دوبارہ شامل ہونے والے ہیں۔
ذرائع کے مطابق ٹیم مینجمنٹ اور سلیکشن کمیٹی نے بابر اعظم کو سکواڈ میں شامل کرنے کا فیصلہ کیا ہے۔ وہ تیسرے نمبر پر بیٹنگ کریں گے جبکہ کپتان شان مسعود نوجوان بلے باز صائم ایوب کے ساتھ اننگز کا آغاز کریں گے۔
بابر کی شمولیت جنوبی افریقہ کے خلاف ون ڈے سیریز میں ان کی شاندار کارکردگی کے بعد ہوئی جہاں انہوں نے 148 رنز بنائے جس میں دو نصف سنچریاں بھی شامل تھیں۔
یہ بات قابل غور ہے کہ بابر کو انگلینڈ کے خلاف پہلے ٹیسٹ کے بعد ٹیسٹ ٹیم سے باہر کر دیا گیا تھا کیونکہ وہ طویل عرصے سے ٹیسٹ میں خراب پرفارمنس کا مظاہرہ کر رہے تھے۔