آئی سی سی کی تازہ ترین رینکنگ میں بابر ٹاپ پوزیشن کھو بیٹھے

1

پاکستان کے اسٹار بلے باز بابر اعظم تازہ ترین آئی سی سی پلیئر رینکنگ میں پہلی پوزیشن سے ہاتھ دھو بیٹھے۔

بھارت کے دائیں ہاتھ کے بلے باز شبمن گل نے بابر اعظم کو پیچھے چھوڑ کر پہلی پوزیشن پر قبضہ کر لیا۔ یہ دوسرا موقع ہے جب گل نے ون ڈے کرکٹ میں نمبر 1 رینکنگ حاصل کی ہے، بھارتی بلے باز بابر نے اس سے قبل 2023 میں بھی آئی سی سی کرکٹ ورلڈ کپ کے وسط میں بابر سے پہلی پوزیشن چھینی تھی۔

تازہ ترین رینکنگ کے مطابق بابر دوسرے نمبر پر آ گئے ہیں اور وہ گل سے 23 ریٹنگ پوائنٹس پیچھے ہیں، جبکہ بھارتی کپتان روہت شرما تیسرے نمبر پر ہیں اور اپنے ساتھی اوپنر سے 45 ریٹنگ پوائنٹ پیچھے ہیں۔

سری لنکا کے اسپنر مہیش تھیکشنا مردوں کی ون ڈے بولنگ رینکنگ میں پہلی پوزیشن پر آگئے ہیں – انہوں نے افغانستان کے راشد خان کو پیچھے چھوڑ کر پہلی بار پریمیئر پوزیشن حاصل کی ہے۔