5
لاہور کی انسداد دہشت گردی کی عدالت نے شادمان تھانے میں آتشزدگی اور ہنگامہ آرائی کیس میں پاکستان تحریک انصاف (پی ٹی آئی) کے رہنماؤں شاہ محمود قریشی، ڈاکٹر یاسمین راشد، اعجاز چوہدری اور میاں محمود الرشید پر باضابطہ فرد جرم عائد کردی۔
سماعت اے ٹی سی کے جج منظر علی گل نے کوٹ لکھپت جیل میں کی، جہاں ملزمان کو الزامات پڑھ کر سنائے گئے۔
عدالت نے شادمان آتشزدگی کیس میں فرد جرم عائد کرتے ہوئے آئندہ سماعت پر گواہوں کو طلب کرلیا، جو 19 دسمبر کو مقرر کی گئی ہے۔
مزید برآں عدالت نے عسکری ٹاور کو جلانے اور دیگر واقعات سے متعلق مقدمات کی کارروائی 23 دسمبر تک ملتوی کر دی۔