3
لاہور کی مقامی عدالت نے اداکارہ نازش جہانگیر اور ان کے ساتھی سکندر خان کے خلاف امانت میں خیانت، فراڈ اور دھمکیاں دینے کے الزام میں وارنٹ گرفتاری جاری کر دیے ہیں۔
ذرائع کے مطابق اسود ہارون نامی شخص نے تھانہ ڈیفنس سی میں اداکارہ نازش جہانگیر اور ان کے ساتھی سکندر خان کے خلاف فراڈ، امانت میں خیانت اور دھمکیاں دینے کے الزامات کے تحت مقدمہ درج کروا رکھا ہے۔
عدالت نے دونوں ملزمان کے وارنٹ گرفتاری جاری کرتے ہوئے پولیس کو حکم دیا ہے کہ وہ نازش جہانگیر اور سکندر خان کو 22 مارچ تک گرفتار کر کے عدالت میں پیش کریں۔