آرمی چیف جنرل سید عاصم منیر کی والدہ ماجدہ رضائے الٰہی سے انتقال کر گئیں، صدر اور وزیراعظم سمیت اہم شخصیات نے سربراہ پاک فوج سے تعزیت کی۔
تفصیلات کے مطابق، آرمی چیف جنرل سید عاصم منیر کی والدہ ماجدہ کا انتقال ہوگیا، اِنَّا لِلّٰہِ وَإِنَّا إِلَيْهِ رَاجِعُونَ۔ اللہ تعالیٰ مرحومہ کی مغفرت فرمائے، ان کے درجات بلند کرے اور جنت میں اعلیٰ مقام عطا فرمائے، آمین۔
صدر مملکت آصف علی زرداری، وزیراعظم شہباز شریف، اسپیکر قومی اسمبلی سردار ایاز صادق، چیئرمین سینیٹ یوسف رضا گیلانی اور دیگر اہم شخصیات نے پاک فوج کے سربراہ سے تعزیت کا اظہار کیا اور کہا کہ وہ سوگوار خاندان کے دکھ میں شریک ہیں۔
وفاقی وزیر داخلہ محسن نقوی، وزیراعلیٰ پنجاب مریم نواز، وفاقی وزیر ریلوے حنیف عباسی، گورنر کامران ٹیسوری اور وزیراعلیٰ سندھ مراد علی شاہ نے بھی جنرل عاصم منیر سے تعزیت کی اور مرحومہ کی مغفرت و بلند درجات کے لیے دعا کی۔
سیاسی جماعتوں کے رہنماؤں اور سربراہوں نے بھی آرمی چیف سے ان کی والدہ کے انتقال پر تعزیت کا اظہار کیا۔