1
آرمی چیف جنرل سید عاصم منیر کا کہنا ہے کہ پاک فوج قانون نافذ کرنے والے اداروں کے ساتھ مل کر ملک میں دیرپا امن اور استحکام کو یقینی بنانے کیلئے دہشت گردوں کے خلاف آپریشن جاری رکھے گی۔
آئی ایس پی آر کے مطابق آرمی چیف کو دورہ پشاور میں صوبے کی سکیورٹی صورتحال پر بریفنگ دی گئی۔ اس موقع پر وزیر اعلی علی امین گنڈا پور اور فیلڈ کمانڈرز بھی موجود تھے۔
جنرل عاصم منیر نے شہدا اور غازیوں کو خراج تحسین پیش کرتے ہوئے کہا، دشمن عناصر کے مذموم عزائم کو ناکام بنانا ہماری اولین ترجیح ہے۔ انہوں نے ہر قسم کے خطرات کا موثر طریقے سے مقابلہ کرنے کیلئے جوانوں کے بلند حوصلے ، آپریشنل تیاری اور غیر متزلزل عزم کو سراہا۔
آرمی چیف نے دہشت گردی سے نمٹنے کیلئے قوم اور اس کی سکیورٹی فورسز کے اجتماعی عزم کو اجاگر بھی کیا۔