بولی وڈ کے بگ بی، امیتابھ بچن کا اداکارہ نمرت کور کو لکھا گیا پرانا خط وائرل ہوگیا۔
2022 میں امیتابھ بچن نے اداکارہ کو فلم دسویں میں شاندار پرفارمنس پر اُن کے نام ایک تعریفی خط لکھا تھا۔ اس خط کے ساتھ ایک خوبصورت پھولوں کا گلدستہ بھی بھیجا تھا۔
خط میں سینئر بچن نے لکھا: "ہماری ملاقاتیں یا بات چیت کم ہی ہوئی ہیں۔ آخری بار میں نے آپ کی تعریف ایک ایونٹ میں کی تھی، وہ بھی کیڈبری کے اشتہار کیلئے۔ لیکن دسویں میں آپ کا کام بے حد شاندار تھا جس کی جتنی بھی تعریف کی جائے کم ہے۔ میری مبارکباد۔ محبت، امیتابھ بچن۔
اس خط کو شیئر کرتے ہوئے نمرت کور نے اپنی خوشی کا اظہار کیا اور کہا، "18 سال پہلے جب میں ممبئی آئی تھی، تو یہ سوچنا کہ جناب امیتابھ بچن میرا نام جانتے ہوں گے، ہمیں ملاقات یاد ہو گی اور وہ مجھے ایک ٹی وی کمرشل میں میری تعریف کریں گے، اور پھر کئی سال بعد مجھے ایک فلم میں کی جانے والی کوشش پر خط اور پھول بھیجیں گے—یہ سب صرف ایک خواب لگتا ہے۔
انہوں نے مزید کہا، آج میرے الفاظ اور جذبات دونوں کم پڑ رہے ہیں۔ آپ کا پیار بھرا خط مجھے زندگی بھر متاثر کرے گا، اور اس نایاب گلدستے کی خوشبو میری زندگی کے ہر قدم پر موجود رہے گی۔
نمرت نے آخر میں کہا، میں آپ سے یہ تعریفی کلمات سن کر بالکل بے زبان ہوں، دل سے ہمیشہ شکرگزار، نمرت۔
یاد رہے کہ نمرت کور اس وقت خبروں میں آئیں جب ان کے اور ابھیشیک بچن کے درمیان مبینہ افیئر کی افواہیں گردش کرنے لگیں۔