3
واشنگٹن: ایک امریکن ایئر لائنز کا مسافر طیارہ ریگن واشنگٹن نیشنل ایئر پورٹ کے قریب یونائیٹڈ سٹیٹس آرمی کے بلیک ہاک ہیلی کاپٹر سے ٹکرا گیا۔ حادثے میں ہلاکتوں کا خدشہ ہے۔
ٹیکساس کے سینیٹر ٹیڈ کروز نے سوشل میڈیا پر کہا کہ ہمیں معلوم ہے کہ اس حادثے میں ہلاکتیں ہوئی ہیں، لیکن انہوں نے یہ نہیں بتایا کہ کتنے افراد مارے گئے ہیں۔ انہوں نے بتایا کہ حادثے سے امریکی صدر ڈونلڈ ٹرمپ کو آگاہ کردیا گیا۔
امریکی حکام کا کہنا ہے کہ فوجی ہیلی کاپٹر فضا میں طیارے سے ٹکرانے کے بعد دریا میں گر گیا تھا جس کی تلاش کیلئے سرچ آپریشن جاری ہے۔ حادثے کے بعد ہوائی اڈے کی انتظامیہ نے تمام ٹیک آف اور لینڈنگ معطل کر دی ہے۔