پاکستان تحریک انصاف (پی ٹی آئی) کا احتجاج ختم ہونے کے بعد وفاقی دارالحکومت میں صورتحال معول پر آنے لگی۔ شہریوں نے سکون کا سانس لیا۔
تفصیلات کے مطابق پی ٹی آئی کے احتجاج کے باعث 4 روز سے بند موٹرویز کو ہر طرح کی ٹریفک کیلئے کھول دیا گیا ہے۔ اسلام آباد اور راولپنڈی میں بھی تمام رکاوٹوں کو ہٹا کر راستوں کو ٹریفک کیلئے کھول دیا گیا ہے۔ اس کے علاوہ گوجرانوالہ میں بھی جی ٹی روڈ اور دیگر راستوں پر تمام رکاوٹیں ہٹا دی گئی ہیں۔ مری میں بھی ٹریفک رواں دواں ہے۔
جڑواں شہروں میں کاروباری سرگرمیاں بھی معمول پر آگئیں۔ کل سے تعلیمی ادارے بھی کھل جائیں گے۔
دوسری جانب، پی ٹی آئی کی بانی کی اہلیہ بشریٰ بی بی اور وزیر اعلیٰ خیبر پختونخوا مانسہرہ پہنچ گئے ہیں۔ جہاں پی ٹی آئی کے کارکنان کی بڑی تعداد موجود ہے۔ سابق خاتون اول اور گنڈا پور تھوڑی دیر بعد میڈیا سے گفتگو کریں گے۔
واضح رہے کہ رات گئے مظاہرین کیخلاف سکیورٹی فورسز کے آپریشن کے دوران جب پارٹی قیادت اور کارکنوں نے ڈی چوک سے راہ فرار اختیار کی تو پی ٹی آئی کے ترجمان نے احتجاج ختم کرنے کا اعلان کر دیا تھا۔