4
عمر ایوب کے بعد پاکستان تحریک انصاف (پی ٹی آئی) کے شبلی فراز نے بھی جوڈیشل کمیشن آف پاکستان (جے سی پی) کے رکن کے عہدے سے استعفیٰ دے دیا۔
سینیٹر شبلی فراز نے پی ٹی آئی کے بانی عمران خان کی ہدایت پر اپنی جگہ سینیٹر بیرسٹر علی ظفر کو 13 رکنی باڈی کیلئے نامزد کیا ہے۔
اپنے استعفے میں سابق وفاقی وزیر نے کہا کہ اُن کی ہمیشہ سے ملک میں عدالتی نظام کی بہتری اور انصاف کے اصولوں کو برقرار رکھنے کیلئے بامعنی کردار ادا کرنے کی شدید خواہش رہی ہے۔
لیکن افسوس کے ساتھ، میں اپنے آپ کو ناحق جھوٹے مقدمات کے ایک سلسلے میں پھنسا ہوا پاتا ہوں۔ ان الزامات کو دور کرنے کی میری کوششوں کے باوجود، میرے خلاف مزید ایف آئی آرز درج کی گئی ہیں، جس سے میری حالت مزید خراب ہو گئی۔ ان حالات نے میرے لیے یہ ناممکن بنا دیا ہے کہ میں اس عہدے پر فائز رہ کر کام کر سکوں۔