4
افغانستان اور نیوزی لینڈ کے درمیان بھارت کے شہر نوئیڈا میں ہونے والا واحد ٹیسٹ میچ ناقص سہولیات کے باعث تاخیر کا شکار ہو گیا۔
افغانستان اور نیوزی لینڈ کے درمیان واحد ٹیسٹ میچ کل شروع ہونا تھا لیکن گیلے آؤٹ فیلڈ کی وجہ سے پہلا دن ضائع ہو گیا اور نوئیڈا میں پورا دن بارش نہ ہونے کے باوجود پہلے دن ٹاس نہیں ہو سکا۔ ٹیسٹ میچ کے دوسرے دن ٹاس بھی تاخیر کا شکار ہے۔
نوئیڈا اسٹیڈیم میں نکاسی آب کا نظام خراب ہے، اور آؤٹ فیلڈ کو ڈھانپنے کے لیے کوئی مناسب اور جدید سہولیات نہیں ہیں۔ سٹیڈیم میں کھڑا پانی دن بھر خشک نہ ہو سکا۔
افغانستان کرکٹ بورڈ کے ایک اہلکار نے بتایا کہ یہاں سہولیات نہیں ہیں۔ ہم یہاں پھر کبھی نہیں آئیں گے۔ ہماری ترجیح لکھنؤ ہو گی۔
واضح رہے کہ ٹیسٹ میچ انٹرنیشنل کرکٹ کونسل ورلڈ ٹیسٹ چیمپئن شپ کا حصہ ہے۔