بھارتی اداکار ابھیشیک بچن نے شادی کی انگوٹھی اتار دی، جس کی ویڈیو سوشل میڈیا پر وائرل ہونے کے بعد ابھیشیک اور ایشوریہ کے درمیان علیحدگی کی خبریں مزید زور پکڑ گئیں ہیں۔
بھارتی میڈیا کے مطابق حالیہ کئی تقریبات میں ایشوریا ابھیشیک یا بچن خاندان کے دیگر افراد کے ساتھ نظر نہیں آئیں بلکہ اننت امبانی کی شادی میں ایشوریہ اپنی بیٹی کے ساتھ دکھائی دیں۔ جس کے بعد قیاس آرائیاں شروع ہوئیں کہ ان کے اور ابھیشیک کے درمیان معاملات ٹھیک نہیں ہیں۔
اب ایک نئی ویڈیو سامنے آئی ہے جس میں ابھیشیک کو اپنی شادی کی انگوٹھی کے بغیر دیکھا گیا ہے۔ گالاٹا انڈیا کی جانب سے انسٹاگرام پر شیئر کی گئی اس ویڈیو میں اداکار کو گلابی سویٹ شرٹ اور پینٹ میں ملبوس شہر کی ایک گلی سے گزرتے ہوئے دکھایا گیا ہے۔ ویڈیو میں ان کی شادی کی انگوٹھی کی عدم موجودگی نے سوشل میڈیا پر نئی بحث چھیڑ دی ہے۔
دوسری جانب، طلاق کی خبریں سامنے آنے کے باوجود ابھیشیک اور ایشوریہ دونوں نے اس حوالے سے کوئی سرکاری بیان جاری کرنے سے گریز کرتے ہوئے اس معاملے پر خاموش رہنے کا انتخاب کیا ہے۔