چیئرمین پاکستان کرکٹ بورڈ (پی سی بی) نے کہا ہے کہ قذافی سٹیڈیم تکمیل کے قریب ہے۔ وزیر اعظم محمد شہباز شریف 7 فروری کو افتتاح کریں گے۔
تفصیلات کے مطابق چیئرمین پی سی بی نے الصبح قذافی سٹیڈیم پہنچ کر قذافی سٹیڈیم میں فنشنگ ورک کا معائنہ کیا۔ انہوں نے مختلف فلورز اور ہاسپٹلٹی باکسز کے فنشنگ ورک کا معائنہ کیا اور باکسز کے سامنے لگائی ریلنگ کے معیار کو چیک کیا۔
محسن نقوی نے باکسز کے باہر لگائی نشتوں پر بیٹھ کر گراؤنڈ کے ویو کو دیکھا۔ چئیرمین پی سی بی محسن نقوی نے فنشنگ ورک کو برق رفتاری سے مکمل کرنے کی ہدایت کرتے ہوئے کہا کہ فنشنگ ورک میں معیار کو ہر صورت یقینی بنایا جائے۔
انہوں نے کہا کہ چیمپئنز ٹرافی کے میچز دیکھنے والے شائقین نئے سٹیڈیم کی سہولتوں سے لطف اندوز ہو سکیں گے۔
چیف آپریٹنگ آفیسر سمیر احمد نے فنشنگ ورک پر پیش رفت کے بارے بریفنگ دی۔