1
ایشیاء کپ 2025 بھارت کے بجائے کسی دوسرے ملک میں کروانے کے حوالے سے بات چیت شروع ہوگئی۔
ذرائع کا کہنا ہے کہ ایشیا کپ مجوزہ طور پر ستمبر میں متحدہ عرب امارات میں کروانے کا قوی امکان ہے۔ ویسے ایشیاکپ کی میزبانی بھارت کے پاس ہے۔ بھارت اور پاکستان کے درمیان سیاسی تناؤ کے باعث ایشیا کپ نیوٹرل وینیو پر کروائے جانے کا امکان ہے۔ ایشیاکپ کے وینیو کا حتمی فیصلہ ایشین کرکٹ کونسل کرے گی۔
ذرائع کا کہنا ہے کہ ایشیا کپ کے میچز کرانے کے لیے اس وقت سری لنکا اور متحدہ عرب امارات زیرِ غور ہیں۔ دونوں وینیوز میں سے کسی ایک کو حتمی شکل نہیں دی جاسکی۔
ایشیا کپ ٹی20 فارمیٹ میں کھیلا جائے گا، رواں سال ہونے والے ایشیا کپ میں 19 میچز کھیلے جائیں گے۔ ایشیا کپ میں پاکستان اور بھارت سمیت 8 ٹیمیں شریک ہوں گی۔