ملتان کی وکٹ بلے بازوں کیلئے امتحان بن گئی، پاکستان اور ویسٹ انڈیز کے مابین دوسرے ٹیسٹ کے پہلے ہی روزبیس وکٹیں گِر گئیں۔پہلے روز کے اختتام پر مہمان ٹیم کو 9 رنز کی برتری حاصل ہوگئی۔
ویسٹ انڈیز نے پاکستان کے خلاف ٹاس جیت کر بیٹنگ کا فیصلہ کیا، مہمان ٹیم پہلی اننگز میں 163 رنز بناکر آؤٹ ہوگئی تھی۔
پاکستانی سپنرز نے ایک گھنٹے میں ویسٹ انڈیز کے 7 ابتدائی بلےبازوں کو پویلین روانہ کیا۔ پاکستان کی جانب سے نعمان علی نےچھ کھلاڑیوں کو پولین کی راہ دکھائی جس میں ایک ہیٹ ٹرک بھی شامل تھی۔ ساجد خان نے دو ،،ابرابر احمد اور کاشف علی نے ایک ایک وکٹ حاصل کی۔
جواب میں ویسٹ انڈیز کے سپنرز نے بازی پلٹتے ہوئے قومی ٹیم کو154 رنز پر ہی ڈھیر کردیا۔پاکستان کے بڑے بڑے نام بری طرح ناکام ہوئے، محمد رضوان 49 رنز بنا کر ٹاپ سکورر رہے۔ ویسٹ انڈیز کی جانب سے جومل واریکن نے چار، گڈاکیش موتی نےتین اور کیمار روچ نے دو کھلاڑیوں کو آؤٹ کیا۔
پاکستان اور ویسٹ انڈیز کے دوسرے ٹیسٹ کے پہلے روز سپنرز نے سولہ وکٹیں لینے کا انوکھا اعزازبھی حاصل کیا۔ اس سے قبل انیس سو سات میں آسٹریلیا اور جنوبی افریقہ کے میچ کے پہلے روز سپنرز نے چودہ وکٹیں حاصل کی تھیں
پاکستان اور ویسٹ انڈیز کے مابین دوسرے ٹیسٹ کے پہلے دن 20 وکٹیں گِر گئیں
1