ممبر قومی اسمبلی شیر افضل مروت نے کہا ہے کہ کئی لوگ ہیں جو بانی پی ٹی آئی عمران خان سے میری ملاقات میں رکاوٹ ڈالتے ہیں۔
جوڈیشل کمپلیکس اسلام آباد میں میڈیا سے گفتگو کرتے ہوئے شیر افضل مروت کا کہنا تھا کہ تحریک انصاف کی پوری قیادت مقدمات میں نامزد ہے، کبھی ایک رہنما تو کبھی دوسرا رہنما عدالتوں میں پیش ہوتا ہے۔
انہوں نے مزید کہا کہ 26 نومبر کو ہماری گاڑیاں چھینی گئیں اور مقدمات بھی ہم پر ہی بنائے گئے، بانی پی ٹی آئی عمران خان معافی کیوں مانگیں؟
ایک سوال کے جواب میں انہوں نے کہا کہ اگر حکومت ہوشیار ہوتی تو بلوچستان میں امن قائم ہو چکا ہوتا۔
پارٹی میں شمولیت کے حوالے سے شیر افضل مروت نے کہا کہ ان کا کسی بھی پارٹی سے کوئی رابطہ نہیں ہے، اور اگر کوئی ملے تو بس سلام دعا کر لیتے ہیں۔
عمران خان سے ملاقات کے بارے میں شیر افضل مروت نے کہا کہ جب وہ بلائیں گے تو ملاقات کے لیے جاؤں گا، مگر بہت سے لوگ ہیں جو ملاقات میں رکاوٹ ڈالتے ہیں۔