دوسرے دن کے کھیل کے اختتام پر مہمان ٹیم نے میزبان ٹیم کے 448 رنز کے جواب میں27 رنز بنائے تھے۔ اب بنگلادیش نے دو وکٹوں کے نقصان پر 60 سے زیادہ رنز بنالیے ہیں۔ نسیم شاہ نے مہمان ٹیم کے کھلاڑی ذاکر حسن کو 12 رنز پر آوٹ کیا۔ جبکہ کپتان نجم الحسین شانتو کو خرم شہزاد نے آوٹ کیا۔
دوسرے دن کا کھیل:
پنڈی ٹیسٹ میں شاہینوں نے کھیل کے دوسرے روز 4 وکٹوں کے نقصان پر 158 رنز سے اننگز کا آغاز کیا تو محمد رضوان اور سعود شکیل نے ذمہ دارانہ بیٹنگ کرتے ہوئے سنچریز اسکور کیں۔ سعود شکیل 141 رنز بنا کر آوٹ ہوئے جبکہ محمد رضوان 171 رنز بنا کر ناقابل شکست رہے۔ اس کے علاوہ صائم ایوب نے 56، عبد اللہ شفیق 2، کپتان شان مسعود 6، بابر اعظم صفر، سلمان علی آغا 19 جبکہ شاہین 29 رنز بنا کر ناقابل شکست رہے۔ قومی ٹیم نے 6 وکٹوں کے نقصان پر 448 رنز بنا کر اننگز ڈکلیئر کر دی تھی۔
پہلا دن:
کھیل کے پہلے دن بنگلادیش نے ٹاس جیت کر بولنگ کرنے کا فیصلہ کیا اور نئی گیند کا فائدہ اٹھاتے ہوئے پاکستان کے ابتدائی 3 کھلاڑیوں کو جلد ہی آؤٹ کردیا۔
تاہم صائم ایوب اور سعود شکیل کی نصف سنچریوں نے پاکستان کی پوزیشن کو بہتر کیا۔
پاکستان ٹیم کی جانب سے کھیل کے پہلے روز 4 کھلاڑی آؤٹ ہوئے، قومی ٹیم کی پہلی وکٹ 3 کے مجموعی اسکور گری جب عبد اللہ شفیق 2 رنز پر پویلین لوٹے پھر دوسری وکٹ 14 کے مجموعی اسکور پر کپتان شان مسعود کی گری جو 6 رنز بنا کر آؤٹ ہوئے۔
قومی ٹیم کو تیسرا نقصان بابراعظم کی صورت میں اٹھانا پڑا جو 2 گیندوں کا سامنا کرتے ہوئے ڈک آؤٹ ہوئے، ان کے بعد وکٹ پر جمے ہوئے نوجوان بیٹر صائم ایوب 56 رنز پر آؤٹ ہوئے۔