سلمان خان اور عامر خان کونسی فلم میں ایک ساتھ نظر آنے والے ہیں؟

عامر خان پروڈکشن ہاوس کی سوشل میڈیا پر ایک پوسٹ کے بعد یہ خیال کیا جا رہا ہے کہ بالی وڈ کے سپر اسٹارز سلمان خان اور عامر خان تین دہائیوں بعد فلم میں ایک ساتھ نظر آنے والے ہیں۔

بھارتی میڈیا کے مطابق عامر خان کے پروڈکشن ہاؤس نے گزشتہ روز میگا اسٹار سلمان خان کے پُرانے ٹوئٹ پر ردعمل دیا۔ جس میں دبنگ خان نے سال 2010 میں لکھا تھا کہ میں نے فلم ‘انداز اپنا اپنا’ کے بعد عامر خان کے ساتھ کوئی فلم نہیں کی۔ 14 سال بعد سلمان خان کی اس پوسٹ پر ردعمل دیتے ہوئے عامر خان کے پروڈکشن ہاوس نے لکھا، ہم اس بارے میں بہت سوچتے ہیں۔ پروڈکشن ہاوس کے اس ردعمل کے بعد سوشل میڈیا صارفین کا خیال ہے کہ دونوں خانز بہت جلد ایک نئی فلم میں ایک ساتھ نظر آئیں گے۔ دونوں سپر اسٹارز آخری بار سال 1994 میں ریلیز ہونے والی فلم ‘انداز اپنا اپنا’ میں ایک ساتھ دیکھے گئے تھے۔