13
آسٹریلوی حکومت نے ملک میں ایک بڑا سولر فارم بنانے کی منظوری دی ہے۔ جس سے 30 لاکھ گھروں کو بجلی فراہم کی جائے گی۔
آسٹریلوی کمپنی سن کیبل شمالی آسٹریلیا کے ایک دور دراز علاقے میں 12,400 ہیکٹر کا سولر فارم بنانے کا ارادہ رکھتی ہے۔ جو ڈارون شہر کو بجلی فراہم کرے گا۔ اس کے علاوہ اس منصوبے سے سنگاپور کو بھی بجلی برآمد کی جائے گی۔
میڈیا رپورٹس کے مطابق اس منصوبے پر 24 بلین ڈالر لاگت آئے گی اور یہ دنیا کا سب سے بڑا شمسی علاقہ کہلائے گا۔
سولر فارم پر بات کرتے ہوئے وزیر ماحولیات تانیا پلیبرسیک نے کہا، آسٹریلیا قابل تجدید توانائی منصوبے کے ساتھ آگے بڑھ رہا ہے۔ یہ منصوبہ آسٹریلیا کو گرین توانائی میں عالمی رہنما کے طور پر پیش کرے گا۔