جیسے جینز کی پینٹ میں چھوٹی جیب کیوں ہوتی ہے یا جینز کی جیبوں کے ساتھ بٹن کیوں ہوتے ہیں، متعدد افراد کو ان کا مقصد معلوم نہیں ہوتا۔
اسی طرح کا ایک عجیب معمہ روزمرہ میں استعمال ہونے والی پانی کی بوتلوں کے ساتھ جڑا ہوا ہے اور وہ ہے ان میں موجود لکیریں۔
پیاس لگنے پر آپ کسی بھی دکان سے پانی کی بوتل خرید سکتے ہیں، کیا آپ نے کبھی پانی کی بوتلوں کو غور سے دیکھا ہے؟
اگر آپ نے ان بوتلوں کو دیکھا ہے تو کبھی سوچا کہ اکثر بوتلوں کے درمیان میں لکیریں کیوں بنی ہوتی ہیں؟
یقین کرنا مشکل ہوگا مگر زیادہ تر افراد لکیروں کی موجودگی کی وجہ سے واقف ہی نہیں یا اس پر توجہ ہی نہیں دیتے۔
ویسے تو بوتلوں کے مختلف ڈیزائن دستیاب ہوتے ہیں مگر ان میں لکیریں ضرور ہوتی ہیں اور ان کی موجودگی کی وجہ کافی دلچسپ ہے۔
پہلے یہ جان لیں کہ پانی کی بوتلوں کو سخت کی بجائے نرم پلاسٹک سے تیار کیا جاتا ہے۔
نرم پلاسٹک سے تیار ہونے والی بوتلوں کو مضبوط رکھنے کے لیے ان لکیروں کا اضافہ کیا جاتا ہے۔
اگر یہ لکیریں موجود نہ ہو تو پلاسٹک کی یہ بوتلیں آسانی سے مڑ سکتی ہے جس سے ان کے ٹوٹنے یا پھٹنے کا خطرہ بڑھتا ہے۔
اس کے علاوہ بھی ان لکیروں کی موجودگی کی ایک وجہ ہے۔
یہ لکیریں بوتل کو پکڑنے کے دوران ہماری گرفت کو مضبوط بنانے میں مدد فراہم کرتی ہیں تاکہ وہ ہاتھ سے پھسل نہ جائیں۔
کئی بار ان لکیروں کو اوپر درج وجوہات کے ساتھ ساتھ بوتل کو منفرد بنانے کے لیے بھی استعمال کیا جاتا ہے۔